საგარეო საქმეთა მინისტრი მაია ფანჯიკიძე რუსეთის პრეზიდენტის ვლადიმერ პუტინის განცხადებას ეხმიანება და აცხადებს, რომ საქართველოს ევროპულ სტრუქტურებში ინტეგრაციას რუსეთის საწინააღმდეგოდ მიმართული არ არის.
,, ნატოც და ევროკავშირიც არის გაერთიანებები, რომელთა წევრიც რუსეთი არ არის და მას არ აქვს ვეტოს უფლება. აქედან გამომდინარე იმედი მაქვს, რომ სწორედ საერთაშორისო სამართლის ნორმების დაცვით საქართველო და ევროკავშირი გადაწყვეტენ როგორი იქნება მათი მომავალი ურთიერთობა, საქართველო და ნატო გადაწყვეტენ როგორი იქნება მათი ურთიერთობაა და ერთხელ და სამუდამოდ ყველასთვის ცხადი გახდება, რომ საქართველოს დასავლეთის მიმართულებით ინტეგრაცია რუსეთის საწინააღმდეგოდ მიმართული არ არის", _ განაცხადა მაია ფანჯიკიძემ და აღნიშნა, რომ ქართული მხარე დაინტერესებულია ყველა სფეროში რუსეთთან კარგი ურთიერთობით.
მისივე განმარტებით, საქართველოს არჩევანი არის ევროპული, რომელის არ გადაიხედება.
,,ჰელსინკის აქტის მიხედვით, ყველა სახელმწიფოს აქვს პოლიტიკური თავისუფლება აირჩიონ თავიაანთი პოლიტიკური მომავალი. საქართველოს არჩეული აქვს თავისი პოლიტიკური მომავალი, ეს არის ევროპული და ევროატლანტიკური ინტეგრაცია და ჩვენ ამ გზიდან გადახვევას არ ვაპირებთ. ჩვენ ევროკავშირთანაც და ნატოსთან გვაქვს ინტენსიური ურთიერთობა და სწორედ ამ დასახული გზით მივდივართ მათთან ერთად, მათი დახმარებით, მათი თანხმობით და მათი ხელშეწყობით", _განაცხადა ფანჯიკიძემ.
„წინააღმდეგი ვართ, რომ სამხედრო ორგანიზაცია ჩვენს ღობესთან ბატონობდეს". - განცხადება ამის შესახე,ბ რუსეთის პრეზიდენტმა ვლადიმერ პუტინმა ნატოს შესახებ საუბრისას გააკეთა.
„ჩვენ არ ვართ ნატოსთან თანამშრომლობის წინააღმდეგნი. ჩვენ წინააღმდეგნ ვართ იმისა, რომ სამხედრო ორგანიზაცია ჩვენს ღობესთან ბატონობდეს",_ განაცხადა პუტინმა და აღნიშნა, რომ ახლა უკრაინაში ისმის მოწოდებები უკრაინის ნატოში გაწევრიანების შესახებ.
