,,ბიძინა ივანიშვილმა განაცხადა, რომ სამოქალაქო სექტორიდან გუნდის კრიტიკას არ მოერიდებოდა და პირობა შეასრულა", _განაცხადა საგარეო საქმეთა მინსიტრმა მაია ფანჯიკიძემ ყოფილი პრემიერ-მინისტრის ბიძინა ივანიშვილის ,, იმედის" ეთერში პრეზიდენტის მიმართ გამოთქმული კრიტიკის საპასუხოდ.
,,პრემიერ-მინისტრის პოსტიდან ბიძინა ივანიშვილი გასული წლის ნოემბერში წავიდა და მან დიდი ხნით ადრე გამოცხადა, რომ აპირებდა სამოქალაქო სექტორში გადანაცვლებას, იქიდან აქტიურ მუშაობას და არ მოერიდებოდა მთავრობის კრიტიკას. იმ მთავრობის, რომელიც მისი გუნდისგან შედგება. გუნდში ვგულისხმობ პარლამეტს, მთავრობას, პრეზიდენტს ადმინისტრაციასაც და მთელ ხელისუფლებას. მან ეს პირობა შეასრულა", _განაცხადა მაია ფანჯიკიძემ.
ფანჯიკიძის განმარტებით, თავად ბიძინა ივანიშვილისთვის მარტივი არ არის მის მიერ დაკომპლექტებული გუნდის კრიტიკა.
,,მისასალმებელია, როცა ბიძინა ივანიშვილი თუ არის რამე გასაკრიტიკებელი თავისი გუნდის წევრების გაკრიტიკებას არ ერიდება. ყველა მინისტრი მისი პრემიერობის დროს არის დანიშნული და ყველა საკადრო გადაწყვეტილება, რომელიც ხელისუფლებაშია მისი დროიდანაა. მისი წასვლის შემდეგ არავინ ახალი არ შემატებია პოლიტიკურ გუნდს. არა მგონია, მისთვის სასიამოვნო იყოს მის მიერ შერჩეული კანდიდატების, მისი გუნდის კრიტიკა, მაგრამ თუU ამას მოითხოვს საქმე და ეს წაადგება პოლიტიკური კულტურის განვითარებას, თუ გნებავთ ხელისუფლები სუკეთ მუშაობას, ეს არის აბსოლუტურად სწორი გადაწყვეტილება", _განაცხადა მაია ფანჯიკიძემ.
შეგახსენებთ, რომ ყოფილმა პრემიერ-მინისტრმა ბიძინა ივანიშვილმა ,,იმედისთვის" მიცემულ ინტერვიუში პრეზიდენტი მარგველაშვილი გააკრიტიკა და აღნიშნა, რომ არჩევნების შემდეგ მარგველაშვილმა პრინციპულად განსხვავებული თვისებები გამოავლინა.
