ყოფილი პრემიერ-მინისტრი ბიძინა ივანიშვილი მთავრობის მუშაობას ,,იმედისთვის" მიცემულ ინტერვიუში აფასებს და აცხადებს, რომ კულტურის მინისტრი ძალიან კარგ მინისტრების რიცხვში არ გადის.
,, მინდა გითხრათ, რომ კულტურის მინისტრი ძალიან კარგ მინისტრებში არ გადის", _აცხადებს ივანიშვილი.
შეგახსენებთ, რომ რამდენიმე დღის წინ საქართველოს კულტურისა და ძეგლთა დაცვის მინისტრმა გურამ ოდიშარიამ შვებულებაში გასვლის შესახებ განცხადება დაწერა. როგორც „ჯი-ეიჩ-ენის" ინფორმირებულმა წყარომ განუცხადა, მინისტრმა თანამდებობიდან გადადგომის უმტკივნეულო ფორმა აირჩია და ის შვებულების შემდეგ მინისტრის თანამდებობაზე აღარ დაბრუნდება.
„ოდიშარიამ დაწერა განცხადება, რომ იგი ითხოვს შვებულებაში გასვლას რადგან გადაიღალა. განცხადება რეგისტრირებულია კანცელარიაში. თუმცა საქართველოს პრემიერ-მინისტრი ირაკლი ღაიბაშვილი ინფორმირებულია, რომ გურამ ოდიშარია კუთვნილი შვებულებიდან პოსტზე არ დაბრუნდება", - განუცხადა ჯი-ეიჩ-ენს" ინფორმირებულმა წყარომ.
იმავე წყაროს ცნობით, ამ ეტპზე კულტურის მინისტრის თანამდებობაზე პოეტების რატი ამაღლობელის და დავით მაღრაძის კანდიდატურები განიხილება, თუმცა საბოლოო გადაწყვეტილება პრემიერ ღარიბაშვილის იმის შესახებ, თუ ვინ შეცვლის გურამ ოდიშარიას ამ დრომდე არ მიუღია.
