,,ნაციონალური მოძრაობის" წევრი, ირმა ნადირაშვილი საქართველოს გზებზე არსებული მდგომარეობის გამო პასუხისმგებლობას რეგიონული განვითარებისა და ინფრასტრუქტურის მინისტრს, დავით ნარმანიას აკისრებს და წერილით მიმართავს.
,,გზები არის დანგრეული და არის სავალალო სიტუაცია. ოცნების მთავრობამ დაგვაბრუნა შევარდნაძის ეპოქაში, როდესაც ეს #1 პრობლემა იყო. ჩვენ პასუხისმგებლობას ვაკისრებთ ინფრასტრუქტურის მინისტრს, დავით ნარმანიას. ეს არის მისი უუნარო პოლიტიკის შედეგი. მან გააჩერა მთელი საქართველო, ინფრასტრუქტურული პროექტები და რაც მთავარია მას ქონდა პასუხისმგებლობა, რომ საქართველოში აშენებული გზები თუ ახალი არ მიემატებოდა არ დანგრეულიყო და მან ამ პრობლემებს თავი ვერ გაართვა", - განაცხადა ირმა ნადირაშვილმა.
ნადირაშვილი გზებზე არსებული პრობლემების არსებობას საავტომობილო გზების დეპარტამენტის თავმჯდომარის მოადგილის პოსტზე პრემიერის ოჯახთან დაახლოებული პირი იოსებ ქადაგიშვილი დაინივნას უკავშირებს. როგორც ნადირაშვილმა ჟურნალისტებთან განაცხადა იგი დღესვე მიმართავს ნარმანიას და განმარტებას მოითხოვს, თუ რა კრიტერიუმებით შეირჩა გზების დეპარტამენტის უფროსის მოადგილის თანამდებობაზე ქადაგიშვილი.
