ჩეჩნეთში, ბედენის რაიონში, სამართალდამცავებმა დღეს კიდევ ორი ბოევიკი მოკლეს.
სპეცოპერაცია გუშინ, დღისით დაიწყო, რის ფარგლებშიც, ჩეჩნეთის პრეზიდენტის რამზარ კადიროვის მიერ გაკეთებული განცხადებით, გუშინვე 4 ბოევიკი იქნა ლიკვიდირებული.
როგორც "რია ნოვოსტის" სამართალდამცავი სტრუქტურების წარმომადგენლებმა განუცხადეს, დღეს განადგურებული ბოევიკების ვინაობა გასაიდუმლოებულია.
გავრცელებული ინფორმაციით, სპეცოპერაციის ფარგლებში სამართალდამცავების მიერ ბლოკირებულია 20-წევრიანი შეიარაღებული დაჯგუფება.
სულ სპეცოპერაციისას ლიკვიდირებულ იქნა აღნიშნული დაჯგუფების 6 წევრი. გავრცელებული ინფორმაციით, შეიარაღებული დაჯგუფების ხელმძღვანელები არაბი დაქირავებულები, ვინმე იასირი და მუჰანადი არიან.
მიმდინარე სპეცოპერაციისას ბოევიკების მიერ მოკლულ იქნა მილიციის ორი თანამშრომელი, ორი კი დაჭრილია. სპეცოპერაციაში მონაწილეობენ შსს-ის სპეციალური დანიშნულების ნომერ მე-2 პოლკის და ბატალიონ "იუგის", ასევე ჩეჩნეთის მილიციის რაიონული განყოფილების თანამშრომლები.
სპეცოპერაცია ამ წუთებშიც გრძელდება.