ევროკომისიის თავმჯდომარის ჟოზე მანუელ ბაროზოს შეფასებით, საქართველოს დემოკრატიული რეფორმების კუთხით მნიშვნელოვანი მიღწევები აქვს.
"მხარს ვუჭერთ საქართველოს სტაბილურობას, დემოკრატიულ განვითარებას და ტერიტორიულ მთლიანობას. დემოკრატიული რეფორმები გადამწყვეტია და საქართველოს ამ კუთხით მნიშვნელოვანი მიღწევები აქვს. თუნდაც კორუფციასთან ბრძოლის და სასამართლო სისტემის რეფორმის კუთხით. ვფიქრობთ დემოკრატიული ინსტიტუტების გაძლიერების და მედია თავისუფლებისთვისაც მნიშვნელოვანი ნაბიჯები გადაიდგმება", - აღნიშნა ბაროზომ საქართველოს პრემიერ-მინისტრ ნიკა გილაურთან შეხვედრის დასრულების შემდეგ.
ამასთან, ევროკომისიის თავმჯდომარემ იმედი გამოთქვა, რომ საქართველოში თვითმართველობის არჩევნები დემოკრატიულად და საერთაშორისო სტანდარტების დაცვით ჩაივლის.