"ქრისტიან-დემოკრატები" მობილურ ტელეფონებზე საუბრისთვის დაწესებული ტარიფების დაკლებას ითხოვენ.
საკითხზე საპარლამენტო ფრაქციის წარმომადგენლები დღეს ახალგაზრდა ფინანსისტთა და ბიზნესმენთა ასოციაციის წარმომადგენელებთან შეხვედრაზე იმსჯელებენ, რომელიც პარლამენტში გაიმართება.
აღსანიშნავია, რომ მობილურ ტელეფონებზე საუბრისთვის დაწესებულ ტარიფებთან დაკავშირებით აღნიშნულმა ასოციაციამ ცოტა ხნის წინ კვლევა გამოაქვეყნა, რომლის მიხედვითაც, საქართველოში დაწესებული მობილური ტარიფები ბევრ ქვეყანასთან შედარებით მაღალია.
"ქრისტიან-დემოკრატები" ახალგაზრდა ფინანსისტთა და ბიზნესმენთა ასოციაციის წარმომადგენლების დასკვნას დღეს მათთან ერთად კიდევ ერთხელ გაეცნობიან, რის შემდეგაც მარეგულირებელ კომისიას ტარიფების შემცირების მოთხოვნით მიმართავენ.
"იმ დასკვნის მიხედვით, რაც ამ ორგანიზაციამ გამოაქვეყნა, მობილური ტარიფები მსოფლიოს ყველა ქვეყანაში იაფდება, მაშინ როცა ჩვენთან მისი ფასი არ შემცირებულა",- განუცხადა ვეფხვაძემ ჟურნალისტებს.
