საქართველოში ვიზიტით მყოფმა სლოვაკეთის საგარეო საქმეთა მინისტრმა მიროსლავ ლაიჩაკიმ წეროვანში რუსული აგრესიის შედეგად დევნილი მოსახლეობა მოინახილა. სლოვაკმა სტუმარმა წეროვანის საჯარო სკოლაც დაათვალიერა და მოსწავლეებს შეხვდა. აღსანიშნავია, რომ სლოვაკეთის მთავრობის დაფინანსებით წეროვანში სპეციალური კურსები გაიხსნა, სადაც 14-დან 18-წლამდე ასაკის მოსწავლეებს კომპიუტერის, ინგლისურისა და კონფლიქტების მართვის შესწავლა შეეძლება. მსგავსი სასწავლო ცენტრი თბილისშიც მოქმედებს. "სლოვაკეთი დევნილი ბავშვებისთვის ინგლისურისა და კომპიუტერის შესწავლის კურსებს დააფინანსებს. ჩვენ ყოველთვის მზად ვართ თქვენს ქვეყანას დახმარება აღმოვუჩინოთ", - განაცხადა მიროსლავ ლაიჩაკიმ. შეგახსენებთ, რომ სლოვაკეთის საგარეო უწყების ხელმძღვანელი საქართველოში გუშინ ჩამოვიდა. ის ვიზიტს დღეს დაასრულებს და თბილისიდან სომხეთში გაემგზავრება.