თბილისის საკრებულოს ფრაქციის "ნაციონალური მოძრაობა - რეფორმატორები" თავმჯდომარემ, თემურ გრიგალაშვილმა პარტიის ცენტრალურ ოფისში დედაქალაქის 2014 წლის ბიუჯეტის პროექტთან დაკავშირებით პრესკონფერენცია გამართა.
თემურ გრიგალაშვილმა ირაკლი შიხიაშვილსა და საკრებულოს უმრავლესობას ბიუჯეტის დამტკიცებისკენ კიდევ ერთხელ მოუწოდა.
„ვფიქრობთ, რომ თითოეულმა დეპუტატმა გადაწყვეტილება, არა პარტიის ან პარტიული დოქტრინის, არამედ, ზოგადად, მოსახლეობის სასარგებლოდ უნდა მიიღოს - ეს არის ჩვენი მოტივაცია. ჩვენი მხრივ, შეგვიძლია ვთქვათ, რომ არ ვენდობით შიხიაშვილის რიტორიკას, ქავთარაძის სარევიზიო მითოლოგიას, თუმცა მათგან განსხვავებით ჩვენ ამ ნდობა - უნდობლობის საკითხებს არ ვაყენებთ მოსახლეობის ინტერესებზე მაღლა. მოვუწოდებთ უმრავლესობას, ასე მიუდგეს ამ საკითხს და დავამტკიცოთ ის ბიუჯეტი, რომელიც არის მოსახლეობის კუთვნილება და რომლის საშუალებითაც მოქალაქეებს არაერთი პრობლემის მოგვარება შეეძლებათ", _ აღნიშნა თემურ გრიგალაშვილმა.
