„ვისოლ ჯგუფი" 3 მარტს, 12 საათზე, რუსთაველზე მდებარე სუპერმარკეტ „სმარტში" "დედის დღის" აღსანიშნავ საქველმოქმედო აქციას დაიწყებს ფონდ «იავნანასთან" ერთად და შვილობილი კომპანიების - „ვისოლის", სუპერმარკეტების ქსელის „სმარტის" და ამერკული რესტორნების ქსელის „ვენდის" მთელი დღის ნავაჭრს მრავალშვილიანი დედების დასახმარებლად გაიღებს. დღესასწაული „ფილარმონიის" საკონცერტო დარბაზში „ფონდი იავნანას" საიუბილეო საქველმოქმედო კონცერტით დასრულდება, სადაც „ვისოლ ჯგუფი" ერთ-ერთ მრავალშვილიან ოჯახს საცხოვრებელი სახლის გასაღებს გადასცემს.
სუპერმარკეტების ქსელ „სმარტში" და ამერკული რესტორნების ქსელ „ვენდისში" მრავალშვილიანი დედების დასახმარებლად გაყიდვების წახალისებაზე იზრუნებენ საზოგადოებისთვის ცნობილი მამაკაცები. „სმარტში" კი ყველა ქალბატონს სიურპრიზი და „დედის დღესთან" დაკავშირებული განსაკუთრებული შეთავაზებები დახვდება.
მასალის გამოყენების პირობები