გუშინ მოსულმა ძლიერმა წვიმამ ქვემო ქართლის რეგიონი მნიშვენელოვნად დააზარალა. ამ მხრივ განსაკუთრებით მძიმეა მდგომარეობა მარნეულისა და გარდაბნის რაიონებში.
როგორც "ჯი-ეიჩ-ენს" ქვემო ქართლში სახელმწიფო რწმუნებულის - გუბერნატორის ადმინისტრაციიდან აცნობეს, დაიტბორა საცხოვრებელი სახლები და განადგურდა სასოფლო სამეურნეო მიწის ნაკვეთები.
გარდაბნის რაიონში მდინარე მტკვრის ადიდების შედეგად სოფელ კარათაკლიაში ოცი სახლი ყველაზე მძიმე მდგომარეობაშია.
ასევე მძიმეა მდგომარეობა გარდაბნის რაიონის სოფლებში: ქესალოში, ნაზარლოში, ვახტანგისში, ჯანდარაში, ნაგებსა და ლემშვენიერაში. რაც შეეხება მარნეულის რაიონს: დატბორილია ალგეთის მუნიციპალიტეტში შემავალი 4 სოფლის საცხოვრებელი სახლები, სოფელ წერეთელში 20 სახლი, მძიმეა მდგომარეობა კიდევ რამდენიმე სოფელსა და მარნეულის რაიონულ ცენტრში.
ქალაქ მარნეულში ერთი საცხოვრებელი კორპუსის და ათი ოჯახის მდგომარეობა განსაკუთრებით სავალალოა. რაიონებში უკვე შეიქმნა სპეციალური კომისიები, რომლებიც მაქსიმალურად მოკლე დროში დააგებენ ზარალის ოდენობას. ამის შემდეგ გატარდება შესაბამისი ზომები.
