ახალი ჩანაწერი ვებ-გვერდზე "copoka.net-ზე გაჩნდა (http://www.copoka.net/site.php?cat=down&idItem=478)".
ჩანაწერის თანახმად, სავარაუდოდ, საქართველოს პრეზიდენტი მიხეილ სააკაშვილი საფრანგეთში მყოფ კულტურის მინისტრ ნიკოლოზ რურუას ესაუბრება .
საუბარი სტივ ვანდერით და უიტნი ჰიუსტონით იწყება და იმიტირებული ქრონიკით გრძელდება. რურუა სააკაშვილს ეკითხება დასრულდა თუ არა საქართველოში პანიკა, რაზეც მიხეილ სააკაშვილი პასუხობს, რომ პანიკა მხოლოდ 3-5 წუთი გაგრძელდა.
"უნდა გაეფრთიხილებინა "იმედს", ქვემოთ წარწერა უნდა გაეკეთებინათ, რომ იმიტაციაა. მეორეს მხრივ სცენარი დახატეს, რაც ზუსტი იყო აბსოლუტურად. პანიკა არ უნდა გამოეწვიათ და ამიტომ უნდა გაეფრთიხლებინათ, რომ ეს იმიტაციაა. ახლა დავურეკე არველაძეს და ვუთხარი.", - აცხადებს სავარაუდოდ მიხეილ სააკაშვილი სატელეფონო ჩანაწერში.
შეგახსენებთ, რომ გუშინ ინტერნეტით "იმიტირებულ ქრონიკასთან" დაკავშირებით "იმედის" ხელმძღვანელის, გიორგი არველაძისა და მისი თანამშრომლის, ეკა წამალაშვილის სატელეფონო საუბარი გავრცელდა.
