სინოპტიკოსები საქართველოს უმეტეს რეგიონში ნალექს პროგნოზირებენ. საქართველოში 19 თებერვლამდე წვიმიანი ამინდი შენარჩუნდება. როგორც ,,ჯი-ეიჩ-ენთან" საუბარში სინოპტიკოსმა ლია კაკიაშვილმა განაცხადა მომდევნო დღეების განმავლობაში წვიმასთან ერთად, მოსლოდნელია დასავლეთის ქარი და ჰაერის ტემპერატურაც შედარებით დაიკლებს.
,,დღეს, დასავლეთ საქართველოს უმეტეს და აღმოსავლეთ საქართველოს ზოგიერთ რაიონში ველოდებით წვიმას, იქროლებს დასავლეთის ქარი 10-15, ზოგან 17-22 მ/წმ-ში", _განაცხადა ,,ჯი-ეიჩ-ენთან" საუბარში სინოპტიკოსმა ლია კაკიაშვილმა.
მისივე განმარტებით, დღეიდან, 17 თებერვლიდან დასავლეთს საქართველოში ნალექის ინტენსიობა შემცირდება და მხოლოდ ზოგიერთ რაიონში შენარჩუნდება წვიმა. წვიმაა მოსალოდნელია აღმოსავლეთ საქართველოს ზოგიერთ რაიონშიც. კაკიაშვილის ინფორმაცით, 19 თებერვლის ჩათვლით საქართველოში არამდგრადი ამინდი შენარჩუნდება.
