ერთიან ეროვნულ გამოცდებზე საგამოცდო ბარიერი 21 ქულიდან 24 ქულამდე აიწევს. ამის შესახებ შეფასებისა და გამოცდების ეროვნული ცენტრის ხელმძღვანელმა მაია მიმინოშვილმა განაცხადა.
მისი ინფორმაციით, ზოგადი უნარების ტესტის ზოგიერთ ნაწილში, 4 სავარაუდო პასუხის ნაცვლად, აბიტურიენტებს 5 პასუხი ექნებათ შეთავაზებული. არჩევით საგნებს კი კიდევ ერთი საგანი - ხელოვნება დაემატება.
ერთიანი ეროვნული გამოცდებისთვის აბიტურიენტების რეგისტრაციის პროცესი 20 თებერვალს დაიწყება და 21 მარტის ჩათვლით გაგრძელდება. გამოცდები, სავარაუდოდ, ივნისის ბოლო კვირაში დაიწყება.
წელს უმაღლეს სასწავლებლებს აბიტურიენტების მისაღებად კონკურსი 45 ათასზე მეტ ადგილზე აქვთ გამოცხადებული.
