გიორგი არველაძე "forum.ge"-ზე გამოქვეყნებულ სატელეფონო საუბრის ფარულ ჩანაწერს ფაბრიკაციას უწოდებს.
არველაძის განცხადებით, სავარაუდოდ, ტექსტები რუსულმა სპეცსამსახურებმა მისი სხვადასხვა საუბრების ჩანაწერებიდან ამოკრიფეს.
ეს არის პროვოკაცია, რომლის უკან რუსული სპეცსამსახურები დგას. ამის თქმის საფუძველს მაძლევს ის, რომ რუსულ სპეცსამსახურებთან დაახლოებულ საიტზე გამოქვეყნდა და ის რეზონანსი, რაც გადაცემას მოჰყვა, მომგებიანად შეაფასეს. დამატებითი პროვოკაციის შეგდება სურდათ", - განაცხადა არველაძემ რუსთავი 2-ში სატელეფონი ჩართვისას.
მისი თქმით, ჩანაწერი ბოლომდე ფაბრიკაციაა.
"ჩანაწერი თავიდან ბოლომდე ფაბრიკაციას შეადგენს. ჩემი სხვადასხვა საუბრებიდან ამოკრეფილი ფრაზებია. ასე შეიძლება დალაი ლამას ან რომის პაპთან ჩემი საუბარი გაკეთდეს~,-განაცხადა არველაძემ.
მისი თქმით, ასეთი საუბარი რეალურად არ შემდგარა და საკუთარი ხმის ამოცნობა უჭირს.
