გარემოს დაცვის მინისტრი გოგა ხაჩიძე ცაგერის რაიონში იმყოფება და სტიქიის შედეგბს ადგილზე ეცნობა.
შეგახსენებთ, რომ რამდენიმედღიანი გადაუღებელი წვიმების შედეგად დასავლეთ საქართველო მნიშვნელოვნად დაზარალდა. ცაგერის რაიონის სოფელ ღვირიშში ჩამოწოლილმა მეწყერმა ადგილობრივის - გიორგი ტყაბლაძის სიცოცხლე იმსხვერპლა. ასევე მეწყერია ჩამოწოლილი ონი-ამბროლაურის გზის მონაკვეთზე, რის გამოც ამ დროისთვის ყველანაირი სატრანსპორტო მოძრაობა შეზღუდულია.
გარემოს დაცვის სამინისტროს პრესსამსახურის განცხადებით, შექმნილია გეოლოგებით დაკომპლექტებული საგანგებო კომისია, რომელიც 24 საათიან რეჟიმში მუშაობს. გარემოს დაცვის სამინისტრო საგანგებო რეჟიმში მუშაობს. ზარალის დამთვლელი კომისია შედეგებს გზების გაწმენდისთანავე გამოქვეყნებს.
მეტეოროლოგების ცნობით უახლოეს დღეებში არამდგრადი ამინდია მოსალოდნელი, 19 მარტიდან კი საქართველოს მასშტაბით გამოიდარებს.
