რუსეთის საგარეო საქმეთა სამინისტრო ტელეკომპანია "იმედის" ეთერში იმიტირებული ქრონიკის გაშვების ფაქტს "უპასუხისმგებლო და ამორალურ რეპორტაჟს" უწოდებს.
"ტელეკომპანია "იმედის" აქცია უპასუხისმგებლო და ამორალურია, უპირველეს ყოვლისა ქართული საზოგადოების მისამართით, რომელშიც მან სრულიად გასაგები პანიკა გამოიწვია", _ განაცხადა დღეს რუსეთის საგარეო უწყების ოფიციალურმა წარმომადგენელმა ანდრეი ნესტერენკომ და დასძინა, რომ საქართველოში უკვე გამოთქვამენ მოსაზრებებს იმისათვის დაკავშირებით, რომ ტელეკომპანია ამ რეპორტაჟს ხელისუფლების სანქციის გარეშე ვერ მოამზადებდა.
"თუმცა საქართველოს პრეზიდენტიც კი არ მალავს თავის დამოკიდებულებას ამ რეპორტაჟისადმი და მას "სინამდვილესთან მაქსიმალურად მიახლოებულს" უწოდება. იმედი გვაქვს, რომ საერთაშორისო საზოგადოება ამ ინციდენტს პრინციპულ შეფასებას მისცემს", _ აცხადებს ნესტერენკო.
