პრეზიდენტ მიხეილ სააკაშვილის შეფასებით, "იმ სუფთა ფურცელზე, საიდანაც რიგი ქართველი პოლიტიკოსი რუსეთთან ურთიერთობის დაწყებას ცდილობს, საქართველო, როგორც დამოუკიდებელი ერთეული არ ფიგურირებს". "იმ სუფთა ფურცელზე, რომლითაც ჩვენი ღირსებააყრილი პოლიტიკოსები და რუსეთი ურთიერთობას იწყებენ, საქართველო, როგორც ერთიანი ერთეული არ ფიგურირებს. ეს არააა სუფთა ფურცელი, ეს არის ძალიან დაბინძურებული ფურცელი და აქედან ურთიერთობის დაწყება ნიშნავს საქართველოს დასრულებას", - განაცხადა სააკაშვილმა დღეს, ბოლნისში სტუმრობისას. მისივე განმარტებით, ერთ-ერთი სერიოზული პრობლემა სწორედ იმაში მდგომარეობს, რომ თავად ვამბობთ უარს ჩვენი ქვეყნის გადარჩენისა და განვითარების ერთადერთ შანსზე. "როცა შენ თვითონ გინდა საკუთარი ნებით თქვა უარი იმაზე, რამაც გადაგვარჩინა - ამერიკის და მთელი ცივილიზებული სამყაროს მხარდაჭერაზე და აცხადებ, ნეიტრალიტეტი გამოვაცხადოთო, ეს რეალურად ნიშნავს იმას, რომ საკუთარი ხელით მოკლა ქვეყნის განვითარების შანსი", - განმარტა სააკაშვილმა.