პარლამენტის ვიცე-სპიკერ მიხეილ მაჭავარიანის აზრით, იმიტირებული "ქრონიკის" გამო საზოგადოებამ ტელეკომპანია "იმედის" ხელმძღვანელობისგან "მკაფიო განმარტებები" უნდა მიიღოს.
"მიმაჩნია, რომ ქართულმა საზოგადოებამ მკაფიო განმარტებები უნდა მიიღოს და მას შემდეგ, რაც განმარტებებს მიიღებს, ვიმსჯელოთ იმაზე, ვის დაეკისრება კონკრეტული პასუხისმგებლობა", - განუცხადა მაჭავარიანმა ჟურნალისტებს აღნიშნულ საკითხზე კომენტირებისას.
ამასთან, მისივე შეფასებით, გადაცემის პირველ ნაწილში გაკეთებული განმარტება, რომ ეთერში იმიტირებული "ქრონიკა" გავიდოდა, საკმარისი არ იყო.
"როცა მილიონობით მაყურებელი გყავს, რომლებმაც მსგავსი სცენარი საკუთარ თავზე რამდენიმე თვის წინ განიცადეს და იგივე სცენარის სიმულაციას აკეთებ კონკრეტული განმარტებების გარეშე, ეს დაუშვებელია. ის განმარტება, რაც გადაცემის პირველ ნაწილში გაკეთდა, საკმარისი არ იყო", - მიიჩნევს პარლამენტის პირველი ვიცე-სპიკერი.
მასალის გამოყენების პირობები
