საინფორმაციო პორტალი "BPI.GE"-ს მომხმარებლებმა საქართველოში საუკეთესო საყოფაცხოვრებო ტექნიკის ქსელი გამოავლინა. ხმათა უმრავლესობით, საუკეთესოდ 48,7 პროცენტით ტექნო ბუმი დასახელდა. კომპანია „ტექნო ბუმი" 2010 წლის 3 მარტს დაარსდა. კომპანიის საქმიანობის ძირითად მიმართულებას წარმოადგენს ტელევიზორების, აუდიო და ვიდეო ტექნიკის, საოჯახო საყოფაცხოვრებო ტექნიკის, კომპიუტერული ტექნიკისა და მობილური ტელეფონების საბითუმო და საცალო ვაჭრობა.
„ჩვენთვის ძალიან სასიხარულოა ასეთ ნომინაციაში „ტექნო ბუმის" გამარჯვება. თუ გავითვალისწინებთ იმას, რომ ბაზარზე კონკურენცია მაღალია და კომპანია უკვე მეოთხე წელი დაიწყო, რაც საქართველოს ტექნიკის ბაზარზე ფუნქციონირებს, ჩვენთვის ასეთ ნომინაციაში გამარჯვება ორმაგად საპასუხისმგებლო და სასიხარულოა. როდესაც „ტექნო ბუმის" ბრენდი ჩამოყალიბდა, ჩვენი კონცეფცია იყო, რომ საქართველოს მოსახლეობის უმეტესობას ქონოდა შესაძლებლობა მისთვის ხელსაყრელი პირობებით შეეძინა ტექნიკა. ჩვენი შეთავაზება და აქცია სწორედც ამ მიზანს ემსახურება. 2013 წელი ჩვენ საკმაოდ მნიშვნელოვანი პროექტით დავიწყეთ და ეს პროექტი 2014 წელსაც გრძელდება. ეს არის საყოველთაო პროექტი, რომელიც ითვალისწინებს ყოველგვარი ზედმეტი დანახარჯის გარეშე, შეიძინოს მოსახლეობამ და მისთვის ხელმისაწვდომი გახდეს მობილური ტელეფონი, სმარტფონი, პლანშეტური კომპიუტერი, ლედ ტელევიზორი. ეს არის საყოველთაო პროექტი და ამის დამსახურებაცაა, რომ მოსახლებოამ ასეთი ნდობა გამოგვიცხადა"- აღნიშნა „ტექნო ბუმის" გაყიდვების დეპარტამენტის უფროსმა ხათუნა ხუციშვილმა.
მომხმარებლის აზრით, რეიტინგით მეორე ადგილზე „ელიტ ელექტრონიქსი" აღმოჩნდა 32,4 %-ით. სამეული გალაქსიმ დახურა, რომელმაც მომხმარებელთა 7,8 %-ი მიიღო.
დანარჩენი პოზიციები შემდეგნაირად გადანაწილდა: ბეკო - 4.4%; სმაილი - 1.3%; მეტრო მარტი - 1%; OK - 1.8%; სხვა - 1%; არაი თუმოროუ - 0.8%; გოუ ელექტრონიქსი - 0.5%; ვესტელი - 0.3%; მეგატექნიკა - 0.2%.
ცნობისთვის, გამოკითხვა საინფორმაციო პორტალი "BPI.GE"-ზე 2013 წლის 20 დეკემბერს დაიწყო და 2014 წლის 20 იანვრამდე მიმდინარეობდა. გამოკითხვაში მონაწილეობა 1987 მომხმარებელმა მიიღო.
