უკრაინაში 2013 წლის განმავლობაში პურის ფასი საშუალოდ 2,4-3,2 %-ით გაიზარდა. პურზე ფასის ზრდას ანალიტიკოსები დანახარჯების ზრდას უკავშირებენ, უფრო კონკრეტულად კი ნედლეულისა და ენერგომატარებლებზე ფასების აწევას.
ქვეყნის მასშტაბით მომუშავე ზოგიერთი საწარმო წაგებაზეც კი მუშაობდა და ამიტომაც ივნისში ფქვილის ფასების გაიაფებამ, ზოგადად პურის ფასზე ასახვა ვერ პოვა.
2013 წლის 31 დეკემბრის მდგომარეობით უკრაინაში მაღალი ხარისხის ფქვილისაგან მომზადებული პურის ფასი კილოზე 5,97 გრინვას შეადგენდა, რაც 2,8 %-ით მეტია 2012 წლის მაჩვენებლებთან შედარებით. რაც შეეხება პირველი ხარისხის ფქვილისაგან დამზადებული პურის ღირებულება კილოზე 5,09 გრინვა იყო, რაც იმას ნიშნავს, რომ ასეთი ხარისხის ფურზე ფასი 2,74 %-ით იყო გაზრდილი. რაც შეეხება საშუალო ხარისხის ფქვილისაგან დამზადებული პურის ღირებულებას ის ერთ წელიწადში 3,2 %-ით გაიზარდა და 5,1 გრინვა შეადგინა.