2015 წლისთვის მსოფლიო ეკონომიკა 2,8 %-ით გაიზრდება, აღნიშნულ მონაცემებს ბანკ HSBC-ის ანალიტიკოსები აკეთებენ.
„მიუხედავად იმისა, რომ საერთო ჯამში ეკონომიკური მდგომარეობა უმჯობესდება, ჩვენ არ ვარაუდობთ, რომ მაჩვენებლები კრიზისამდელ პერიოდის მაჩვენებელს დაუბრუნდება"- ნათქვამია HSBC-ის კვლევაში. ბანკის მკვლევარები ვარაუდობენ, რომ 2014 წლისთვის ევროზონის ეკონომიკის მაჩვენებელი 0,8 %-ი იქნება.
ანალიტიკოსების პროგნოზით, 2014 წელს აშშ-ს ეკონომიკა 2,3 %-ით გაიზრდება, ხოლო 2015 წლისთვის კი 2,5 %-ით. რაც შეეხება განვითარებად ბაზრებს, განვითარებადი ქვეყნების ეკონომიკები სტაგნაციიდან გამოდიან და 2015 წლისთვის მათი ეკონომიკური მაჩვენებელი 5 %-მდე იქნება.
HSBC-ის ანალიტიკოსები ვარაუდობენ, რომ ჩინეთის ეკონომიკური ზრდა დაჩქარდება და 2014 წლისთვის 7,4 %-ი იქნება, ხოლო 2015 წლისთვის კი 7,7 %-ი.
ბანკის პროგნოზითვე მსოფლიოში ინფლაცია დაჩქარდება და 2014 წლისთვის ის 2,7 %-ს, ხოლო 2015 წლისთვის კი 2,9 %-ს შეადგენს.