მთავრობა ხუდონჰესის მშენებლობასთან დაკავშირებით ოქროს შუალედის პოვნას ცდილობს. როგორც მთავრობის მეთაური აცხადებს, გამოინახება ისეთი შუალედური გზა, რათა არც ინვესტორი და არც მოსახლეობა არ დარჩეს უკმაყოფილო.
„სახელმწიფომ უნდა შეასრულოს ისეთი, როლი როიმ არც ერთი მხარე არ დარჩეს დაზარალებული. არც ინვესტორი, რომელიც არის ძალიან მნიშვნელოვანი ჩვენთვის. ასევე ძვირფასია ჩვენი ბუნება, ჩვენი მოსახლეობა. ასე, რომ ჩვენ უნდა გამოვნახოთ ისეთი მექანიზმები, რომ არც ერთ მხარეს არ დარჩეს რაიმე შეკითხვა. ჩემი ინფორმაციით, არსებობს მთელი რიგი კითხვები. ამაზე მუშაობს ინვესტორი კომპანია, რომ ეს კითხვები მოიხსნას, გაკეთდეს განმარტებები და ამის შემდეგ გადაწყდება ეს საკითხი.
ჩვენი მიზანია, რომ არც ერთ მოქალაქეს არ დარჩეს არანაირი კითხვა, რაიმე ეჭვი ამ თემაზე"- განაცხადა ირაკლი ღარიბაშვილმა.
