ხელისუფლება 2014 წელს ეკონომიკის 5 %-იან ზრდას, ხოლო მსოფლიო ბანკი საქართველოში 6,3 %-იან ზრდას ვარაუდობს. როგორც პრემიერ-მინისტრი ირაკლი ღარიბაშვილი განმარტავს, არსებობდა მთელი რიგი ობიექტური გარემოებები, რომელმაც 2013 წელს ეკონომიკის შენელება განაპირობა. მისივე განმარტებით, ეკონომიკა სააკაშვილის მმართველობის პირობებში, ხელოვნური სტიმულატორებით იყო გაზრდილი.
„იყო გაფორმებული უაზრო და არამიზნობრივი ხელშეკრულებები"- განაცხადა პრემიერმა.
„მთელი წლის განმავლობაში საუბარი იყო, რომ ეკონომიკის დაღმასვლაა და რაღაც კატასტროფა ხდება. ჩვენ საუბარი გვაქვს გასულ წელს, 2,8-3 %-იან ზრდაზე. გუშინ გავრცელდა მსოფლიო ბანკის პროგნოზი, რომ საქართველოს ეკონომიკური ზრდა 2014 წეკლს იქნება 6,3 %-ი. ჩვენ გათვლა გავაკეთეთ მხოლოდ 5 %-ზე. სსფ- ამ მონაცემებს აზუსტებს. მათი გათვლებით, 5 %-იანი ეკონომიკური ზრდა არის არა თუ ოპტიმისტური, არამედ აბსოლიტურად რეალური"- აცხადებს საქართველოს მთავრობის მეთაური.
