2013 წელს საქართველოში საქონლით საგარეო სავაჭრო ბრუნვამ (არაორგანიზებული ვაჭრობის გარეშე) 10785 მლნ. აშშ დოლარი შეადგინა, რაც წინა წლის მაჩვენებელზე 6 პროცენტით მეტია. აქედან, ექსპორტი 2910 მლნ. აშშ დოლარი იყო (22 პროცენტით მეტი), ხოლო იმპორტი 7875 მლნ. აშშ დოლარი (0,4 პროცენტით მეტი). უარყოფითმა სავაჭრო ბალანსმა 2013 წელს 4965 მლნ. აშშ დოლარი და საგარეო სავაჭრო ბრუნვის 46 პროცენტი შეადგინა. 2013 წლის დეკემბერში საქართველოში საქონლით საგარეო სავაჭრო ბრუნვამ (არაორგანიზებული ვაჭრობის გარეშე) 1104 მლნ. აშშ დოლარი შეადგინა, რაც წინა წლის დეკემბრის მაჩვენებელზე 27 პროცენტით მეტია. აქედან, ექსპორტი 293 მლნ. აშშ დოლარი იყო (47 პროცენტით მეტი), ხოლო იმპორტი 811 მლნ. აშშ დოლარი (21 პროცენტით მეტი). უარყოფითმა სავაჭრო ბალანსმა 2013 წლის დეკემბერში 519 მლნ. აშშ დოლარი და საგარეო სავაჭრო ბრუნვის 47 პროცენტი შეადგინა.

საქართველოს საგარეო ვაჭრობის დაზუსტებული მაჩვენებლები გამოქვეყნდება მიმდინარე წლის 24 იანვარს.