ბიზნესმენებისა და პრემიერ-მინისტრის შეხვედრა სასტუმრო ,,რადისონში" უკვე დაიწყო. როგორც შეხვედრის დაწყებამდე ბიზნესმენები აცხადებენ, მათ მთავრობის მეთაურის წინაშე მრავალი შეკითხვის დასმა სურთ და, იმედი აქვთ, კომპეტენტურ პასუხსაც მიიღებენ.
,,მნიშვნელოვანია ასეთი სახის შეხვედრა როდესაც მთავრობის ხელმძღვანელი ბიზნესექტორს ხვდება. საბანკო სექტორი, რა თქმა უნდა, დავსვამთ შეკითხვებს და იმედი გავქვს, რომ მასზე კვალიფიციურ პასუხებს მივიღებთ. ეს ეხება საკანონმდებლო ცვლილებებს, რამაც შესაძლოა საბანკო სექტორს სამომავლოდ პრობლემები შეუქმნას. დაკონკრეტებისგან თავს შევიკავებ, რადგან საუბარი შორის წაგვიყვანს, თუმცა ეს საკითხი ჩვენთვის მნიშვნელოვანია", _ განაცხადა საბანკო ასოციაციის პრეზიდენეტმა ზურაბ გვასალიამ.
მისივე განმარტებით, საბანკო სექტორს, რეგულაციებთან და ზედამხედველობასთან დაკავშირები არანაირი კითხვა არ გაჩნია.
,,თი-ბი-სი ჯგუფის" ერთ-ერთი დამფუძნებლი მამუკა ხაზარაძე კი აცხაებს რომ პრემიერთან შეხვედრა ბიზნესმენებისთვის მნიშვნელოვანი ფაქტია, რადგან ასეთი დონის შეხვედრაზე სამომავლო გეგმებზე იქნება მსჯელობა.
,, შეხვედრაზე გვექნება, კონკრეტული საუბარი ქვეყნის ეკონომიკურ განვითარებაზე, ალბათ, ვისაუბრებთ სტრატეგიულ საკითხებზე. დადგა დრო სწრაფი კოორდინაცია მოხდეს სახელმწიფოსა და ბიზნეს სექტორს შორის. მომზადებულია უამრავი პროექტი და დარწმუნებული ვარ შედეგებიც დადგება ამ შეხვედრის შემდეგ" -განაცხადა მამუკა ხაზარაძემ.
შეგახსენებთ, რომ პრემიერთან შეხვედრას ბიზნესის 80-მდე წარმომადგენელი ესწრება.
