შსს საქართველოს სასაზღვრო პოლიციის სანაპირო დაცვის ოპერაციების მართვის მთავარი სამმართველოს I სამმართველოს (ფოთი) კანონაღსრულებისა და საზღვაო უსაფრთხოების სამსახურის თანამშრომლებმა, სუფსის საზღვაო რაიონში, სასაზღვრო რეჟიმის (სარეგისტრაციო ნომრის და სახელწოდების თვალსაჩინო ადგილზე აღნიშვნის გარეშე ზღვაში გასვლა) დარღვევის ფაქტზე საქართველოს დროშით მცურავი სეინერი „KARDESLER BALIKCILIK-B" დააჯარიმეს.
აღნიშნული სეინერის კაპიტანს, თურქეთის მოქალაქეს საქართველოს ადმინისტრაციულ სამართალდარღვევათა კოდექსის 114 (პრიმა ორი) მუხლის VII ნაწილის შესაბამისად დაეკისრა ჯარიმა 500 ლარის ოდენობით.
მასალის გამოყენების პირობები
