თუ საჭიროდ მივიჩნევ რაიმეს ინიცირებას, არავის ნებართვა არ მჭირდება, - ასე პასუხობს საპარლამენტო იურიდიული კომიტეტის თავმჯდომარე ვახტანგ ხმალაძე პრემიერ-მინსტრს ირაკლი ღარიბაშვილს.
როგორც საკითხის კომენტირებისას ხმალაძემ განმარტა, დეპუტატს კანონპროექტის მომზადების უფლება აქვს.
"ზოგადად გამოვთქვი პრეტენზია ნორმის მიმართ და ეს მხოლოდ დღეს არ გამომითქვამს, როცა ამ ნორმას იღებდნენ მაშინაც მქონდა ეს ნათქვამი, რომ ეს ნორმა არ აკმაყოფილებს ე.წ. კანონის განსაზღვრულობის პრინციპს. ალბათ ვერ იპოვით თქვენ იურისტს, რომელიც ამაში არ დამეთანხმება. მაგრამ, არის საფრთხეები, რომელსაც იწვევს ესა თუ ის ნორმა. ყოველშემთხვევაში მე ნამდვილად არ ვაპირებ რაიმეს ინიცირებას, მე რომ საჭიროდ ჩამეთვალა ამას აქამდეც გავაკეთებდი. მე თუ საჭიროდ მივიჩნევ რაიმეს ინიცირებას მე ამას გავაკეთებ, ისე, როგორც ეს მიმაჩნია საჭიროდ და არავის ნებართვა მე ამისათვის არ მჭირდება", -განაცხადა ხმალაძემ.
