თავდაცვის მინისტრის ირაკლი ალასანია ვოლგოგრადში მომხდარი ტრაგედიის შედეგად დაღუპულთა ოჯახებს სამძიმარს უცხადებს და სამძიმრის განცხადებას ავრცელებს, რომელსაც ,,ჯი-ეიჩ-ენი" უცვლელად გთავაზობთ:
,,ვოლგოგრადში, რკინიგზის სადგურში შემზარავი ფაქტი განხორციელდა. მინდა სამძიმარი გამოვუცხადო ტერორისტული აქტის დროს დაღუპულთა ოჯახებს. ვწუხვარ, რომ ტერაქტს უდანაშაულო ადამიანთა სიცოცხლე შეეწირა. ჩვენი ქვეყანა ძალ-ღონეს არ იშურებს საერთაშორისო ტერორიზმთან ბრძოლაში, რათა მსგავსი მსხვერპლი აღარ განმეორდეს. ტერორიზმს ეროვნება არ აქვს და ჩვენ, ცივილიზებულ სამყაროსთან ერთად კვლავ გავაგრძელებთ ამ საშიში მოვლენის წინააღმდეგ ბრძოლას, რათა მსგავს სიბოროტეს ადგილი აღარ ქონდეს 21-ე საუკუნეში", _ნათქვამია სამძიმრის ტექსტში.
