უშიშროების საბჭოს მდივანი ირინა იმერლიშვილი მისი უწყების შეძენილ ,,ტოიოტა პრადოსა" და მობილური ტელეფონებზე განმარტებას აკეთებს და აღნიშნავს, რომ მსგავსი ტექნიკის შეძენა მის უწყებას სრულფასოვანი მუშაობის განსახორციელებლად სჭირდება.
,, უშიშროების საბჭოს აპარატისთვის აუცილებელია მაღლი დაცულობის მქონე ტექნიკა, რადგან უშიშროების საბჭოს აპარატი მუშაობს საიდუმლო და სრულიად საიდუმლო დოკუმენტაციაზე და ეს არის აუცილებელი, ეს არის ერთ-ერთი დაცვის მოთხოვნაც კი", _განაცხადა იმერლიშვილმა ,,იმედის" ეთერში.
მისივე განმარტებით, ახალი ავტომობილის შესაძენად უშიშროების საბჭომ, დაახლოებით, 42 000-ლარი გაიღო.
,, ავტომობილი რომლითაც სარგებლობა ყოფილი უშიშროების საბჭოს მდივანი იგივე ფირმის, იგივე მარკის, ჩანაცვლებული იქნა ახალი ავტომობილით", _განაცხადა იმერლიშვილმა.
შეგახსენებთ, რომ ,,ნაცმოძრაობა" ხელისუფლებას თანხების არამიზნობრივ ხარჯვაში ადანაშაულებს. როგორც პარტიის მიერ გავრცელებულ განცხადებაშია განმარტებული უშიშროების საბჭოს თავმჯდომარემ ირინა იმერლიშვილმა თანამდებობაზე დანიშვნისთანავე შეიძინა 78 ათასი ლარის ღირებულების "ტოიოტა პრადო", ხოლო ძვირად ღირებული Iphone 5s მობილური ტელეფონების შესაძენად კი, უშიშროების საბჭომ თითქმის 50 ათასი ლარი დახარჯა.
