ეკონომიკისა და ფინანსთა სამინისტროები სასტუმროების ახალ რეგულაციაზე მუშაობენ, საუბარია სასტუმროების სეზონურ დაბეგვრაზე. როგორც დღეს ეკონომიკისა და მდგრადი განვითარების მინისტრმა გიორგი კვირიკაშვილმა განაცხადა, აღნიშნულ საკითხზე მუშაობა უკვე დაწყებულია.
„ჩვენი სურვილია, რომ ვინაიდან ფულის გენერაცია ხდება სეზონურად, კონკრეტულად ზამთრისა და ზაფხულის კურორტებზე მოხდეს ამ სასტუმროებისათვის დაბეგვრის რეჟიმების ტრანსფორმაცია სეზონური დაბეგვრის რეჟიმებში. ეს არის ის რაზეც ჩვენ ვფიქრობთ, რომ უნდა განხორციელდეს"- განაცხადა გიორგი კვირიკაშვილმა.
