„ORBI GROUP"-ი ბათუმში კიდევ ერთი მასშტაბური პროექტის განხორციელებას იწყებს და ახალ ბულვარში 40 სართულიან მრავალფუნქციურ კომპლექსს ააშენებს. კომპანიის 2014 წლის გეგმებში შედის ასევე ბაკურიანსა და გუდაურში კიდევ ერთი ახალი აპარტოტელის მშენებლობა.
იმავდროულად, 2014 წელს „ORBI GROUP"-ი თბილისში მრავალფუნქციური კომპლექსის მშენებლობის დაწყებას გეგმავს. გარდა ამისა, კომპანია თავის წარმომადგენლობებს გახსნის აზერბაიჯანში, ყაზახეთსა და ევროპის რამდენიმე ქვეყანაში.
„კიდევ ერთი მიმართულება, რომელიც 2014 წლიდან კომპანიისთვის პრიორიტეტული ხდება, ტურიზმია.
„ORBI GROUP"-ი რომელსაც ბათუმსა და ბაკურიანში თანამედროვე აპარტოტელების ქსელი აქვს, სხვადასხვა ქვეყნის ტურ-კომპანიებთან ერთად ტურისტებისთვის სამთო-სათხილამურო და საზღვაო ტურების ორგანიზებას გეგმავს. მთასა და ზღვაზე აქტიურ დასვენებასთან ერთად ევროპისა და აზიის ქვეყნებიდან ჩამოსულ დამსვენებლებს საშუალება მიეცემათ გაეცნონ საქართველოს კუთხეებს, მის მრავალფეროვან ბუნებას, უნიკალურ კულტურულ მემკვიდრეობას, ისტორიასა და ტრადიციებს"- აცხადებენ „ORBI GROUP"-ში.
„ORBI GROUP"-მა საქმიანობა სამშენებლო სფეროში 10 წლის წინ ბათუმში საცხოვრებელი კორპუსის მშენებლობით დაიწყო და დღეისათვის საქართველოში ლიდერი სამშენებლო დეველოპერული კომპანიაა, რომელმაც ქვეყანაში არაერთი ინოვაცია დაამკვიდრა.
„ORBI GROUP"-მა ჯგუფმა პირველმა განახორციელა ინოვაციური პროექტი: სასტუმროს ტიპის სახლების, ანუ აპარტ-ოტელების მშენებლობა. ეს გახლავთ პრემიუმ კლასის კომპლექსები ბათუმის სანაპირო ზოლში და ბაკურიანში. მათ შორისაა ამიერკავკასიაში ყველაზე დიდი აპარტოტელი სასტუმრო ნომრების მიხედვით- Orbi Residence.
„ORBI GROUP" -ის ექსკლუზიური შეთავაზებით აპარტამენტების მფლობელი კომპანიის ბიზნეს-პარტნიორი, შეძენილი ფართი კი შემოსავლის წყარო ხდება.
კომპანიამ თავისი წარმომადგენლობები უკვე გახსნა ნიუ-იორკში, მოსკოვში, კიევში, თელ-ავივსა და აშდოდში. კლიენტები კი მსოფლიოს ათობით ქვეყანაში ჰყავს. მათ შორის არაერთი ცნობილი სახეა.
„ORBI GROUP"-ი მშენებლობის პროცესში მსოფლიო ბრენდებთან ერთად იყენებს საკუთარ ადგილობრივ წარმოებას-კომპანიას აქვს რეგიონში უმსხვილესი ბეტონისა და ქვისსამხვრევი ქარხნები, ასევე ქარხანა " ORBI 2000", რომელიც ევროპული სტანდარტების მეტალოპლასმასის კარებსა და ფანჯრებს ამზადებს.
„ORBI GROUP"-ი უამრავი საერთაშორისო გამოფენის გამარჯვებული და ჯილდოს მფლობელია. წარმოებაში ინოვაციების დანერგვისა და ხარისხში ლიდერობისთვის კომპანიას 2013 პარიზში საერთაშორისო ვარსკვლავი, ხოლო ჟენევაში 5 კონტინენტის ჯილდო გადაეცა.
