30 დეკემბერს, შოთა რუსთაველის სახელმწიფო დრამატულ თეატრში სპექტაკლის "უფლისწული და მათხოვარის" პრემიერა გაიმართება.
სპექტაკლი რეჟისორმა ჰაინე შველიძემ დადგა. მონაწილეობენ მსახიობები: ლელა ახალაია, ზაალ ბარათაშვილი, ლევან ბერიკაშვილი, მანანა გამცემლიძე, დავით გოცირიძე, ანდრია თავბერიძე, კახა კუპატაძე, გელა ლეჟავა, ნინო მაყაშვილი, ალექსანდრე მიკუჩაძე-ღაღანიძე, ედმონდ მინაშვილი, ირაკლი სანაია, ტრისტან სარალიძე, ქეთი სვანიძე, ბექა სონღულაშვილი, ჯემალ ღაღანიძე და ქეთი ხიტირი.
სპექტაკლის დეკორაცია და კოსტიუმები დამზადებულია რუსთაველის თეატრის სახელოსნოებში.
რუსთაველის თეატრში სპექტაკლის საახალწლო წარმოდგენა 13 იანვრის ჩათვლით გაიმართება.
