საგარეო საქმეთა მინისტრი მაია ფანჯიკიძე ევროკომისიის ხელმძღვანელის ჰერმან ვან რომპეის განცხადებას გამოეხმაურა იმის თაობაზე, რომ საქართველომ ასოცირების ხელშეკრულებას ხელი, შესაძლოა, აგვისტოში, ანუ ერთი თვით ადრე მოაწეროს.
ფანჯიკიძის თქმით, ამაზე საუბარი ვილნიუსის სამიტზეც იყო, სადაც არაერთმა დელეგაციამ გამოთქვა სურვილი, რაც შეიძლება მალე მომხდარიყო ხელშეკრულებაზე ხელის მოწერა. სამიტზე მიღებული ამჟამინდელი დოკუმენტი ითვალისწინებს, რომ ასოცირების ხელშეკრულებას ხელი არაუგვიანეს 2014 წლის შემოდგომისა უნდა მოეწეროს. ამიტომ, საქართველოს საგარეო საქმეთა სამინისტრო ასოცირების ხელშეკრულებაზე ხელის მოწერის ნებისმიერ დაჩქარებას მიესალმება.
შგახსენბთ, რომ ევროკომისიის ხელმძღვანელმა ჰერმან ვან რომპეიმ ბრიუსელში გამართულ პრესკონფრენციაზე განაცხადა, რომ ევროკავშირს სურს საქართველოსთან ასოცირების შესახებ უკვე პარაფირებულ შეთანხმებას ხელი 2014 წლის აგვისტომდე მოაწეროს.
„სურვილს დაუახლოვდნენ ევროკავშირს იზიარებენ საქართველოსა და მოლდოვას მოქალაქეები, ჩვენ გვსურს დავაჩქაროთ შეთანხმების ხელმოწერა და გავაფორმოთ დოკუმენტები აგვისტომდე" - განაცხადა რომპეიმ.
