დღეს 19.00 საათზე რუსთაველის თეატრში საუკუნის პროექტად შეფასებული არხოტის გზის მშენებლობის პრეზენტაცია გაიმართება. რეგიონალური განვითარების და ინფრასტრუქტურის სამინისტროს, სხვა სახელმწიფო უწყებების და ასევე, მუნიციპალური განვითარების ფონდის ხელშეწყობით გაზაფხულზე არხოტის გზის გაჭრის სამუშაოები დაიწყება. პროექტის დაფინანსებაზე სწორედ ეს სტრუქტურები ზრუნავენ.
ხევსურეთის ისტორიული მხარე არხოტი უგზოობის გამო მრავალი წელია მთლიანად მოწყვეტილია გარესამყაროს. არხოტში მოხვედრა, სადაც ამჟამად მხოლოდ სამი ოჯახი ცხოვრობს, ჩრდილოკავკასიაში გადასვლის და სახელმწიფო საზღვრის გადაკვეთითაა შესაძლებელი. რამდენიმე სოფელი პრაქტიკულად გაქრობის პირასაა.
გზის არსებობის პირობებში არხოტში დაბრუნების სურვილი უკვე გამოთქვა საქართველოს სხვადასხვა რეგიონებში მცხოვრებ არხოტიონთა 32 ოჯახმა.
რუსთაველის თეატრში პროექტის პრეზენტაცია ბარისახოს ეკლესიის მოძღვრის მამა იოსების მიერ ორგანიზებულ ლიტერატურულ-თეატრალურ საღამოზე შედგება.
პროექტი ხორციელდება საქართველოს პრემიერ - მინისტრის ირკლი ღარიბაშვილის აქტიური მხარდაჭერით.
პრეზენტაციას საქართველოს კათალიკოს-პატრიარქი, უწმინდესი და უნეტარესი ილია მეორე და მთავრობის წევრები დაესწრებიან.
