საქართველოს საგარეო საქმეთა მინისტრი, მაია ფანჯიკიძე, 17-19 დეკემბერს, სამუშაო ვიზიტით ესპანეთის სამეფოს ეწვევა.
საგარეო საქმეთა სამინისტროს ინფორმაციით, ვიზიტის ფარგლებში მაია ფანჯიკიძე ესპანეთის სამეფოს საგარეო საქმეთა მინისტრს ხოსე მანუელ გარსია მარგალიოსს შეხვდება.
მინისტრები ხელს მოაწერენ შეთანხმებას - "საიდუმლო ინფორმაციის გაცვლისა და ორმხრივი დაცვის შესახებ". ასევე გაიმართება შეხვედრები ესპანეთის დეპუტატთა კონგრესისა და სენატის თავმჯდომარეებთან და სხვა ოფიციალურ პირებთან.
საგარეო საქმეთა მინისტრი მაია ფანჯიკიძე სამეფო კვლევით ინსტიტუტში (Real Instituto Elcano) წაიკითხავს მოხსენებას Post Vilnius-Challenges and Opportunities Ahead.
საქართველოს საგარეო საქმეთა მინისტრი ინტერვიუებს მისცემს ესპანეთის წამყვან მედია საშუალებებს.
მასალის გამოყენების პირობები
