ირაკლი მელაშვილი აკაკი ჩხენკელის მოადგილედ იმუშავებს. ამის შესახებ, ჟურნალისტებთან მელაშვილმა თავად განაცხადა და აღნიშნა, რომ მისი კანცელარიის რეგიონებთან და ადგილობრივ თვითმმართველობის ორგანოებთან ურთიერთობის დეპარტამენტის ხელმძღვანელის თანამდებობიდან გათავისუფლება ადგილობრივი თვითმმართველობის კოდექსს არ უკავშირდება.
,,ჯერჯერობით, ვრჩები მოადგილედ იმავე დეპარტამენტში. ეს არის პრემიერ-მინისტრის გადაწყვეტილება და რა თქმა უნდა, პრემიერ-მინისტრი სრულიად უფლებამოსილია ამ გადაწყვეტილების მიღებაში. მე გუშინ მქონდა ამასთან დაკავშირებით საუბარი და არანაირ პრობლემას ეს გადაწყვეტილება ჩემთვის არ წარმოადგენს, მე ისევ განვაგრძობ ამ თემებზე მუშაობას", - აღნიშნა მელაშვილმა.
შეგახსენებთ, რომ ირაკლი მელაშვილი, რომელიც ამ დრომდე კანცელარიის რეგიონებთან და ადგილობრივ თვითმმართველობის ორგანოებთან ურთიერთობის დეპარტამენტის ხელმძღვანელობდა, პრემიერ ირაკლი ღარიბაშვილის გადაწყვეტილებით ეკონომისტმა აკაკი ჩხენკელმა ჩაანაცვლა.
