პრემიერი-მინისტრმა ირაკლი ღარიბაშვილმა გუბერნატორებს მოუწოდა ადგილზე გაეცნონ მოსახლეობის პრობლემებს. როგორც ღარიბაშვილმა გუბერნატორების წარდგინებისას განმარტა სწორედ მათზე იქნება დამოკიდებული როგორ განხორციელდება რეგიონში დაგეგმილი პროექტები.
,, თქვენ ხართ თითოეულ რეგიონსა და რაიონში მთავრობისა და და პრემიერ-მინისტრის წარმომადგენელი, შესაბამისად თქვენზეა დიდი პასუხისმგებლობა, რომ რეგიონებში დაწყებული იქნება ეს ინფრასტრუქტურული პროექტები, თუ სხვა წარმატებით და ეფექტურად განხორციელდეს და ჩამორჩენა არ იყოს. რაც მთავარია თქვენ ადგილზე უნდა გაეცნოთ მოსახლეობის პრობლემებს. ჩვენ ვართ ადამიანზე ორიენტირებული მთავრობა, ასე რომ, ჩვენი ამოსავალი უნდა იყოს თითოეული მოქალაქე და ადამიანი. შესაბამისად ჩემი მოწოდებაა 24-საათიან რეჟიმში ვიმუშაოთ ჩვენი მოქალაქეების კეთილდღეობისთვის", _განაცხადა ღარიბაშვილმა.
