საქართველოდან 17 ათას ტონაზე მეტი ციტრუსია ექსპორტირებული, აღნიშნულის შესახებ განცხადება სოფლის მეურნეობის მინისტრმა შალვა ფიფიამ გააკეთა, რომელმაც განმარეტა, რომ დღეის მდგომარეობით გაცილებით მეტი ციტრუსია ქვეყნიდან ექსპორტირებული, ვიდრე გასული წლის ანალოგიურ პერიოდში. მინისტრის განმარტებით, 2012 წლის ანალოგიურ პერიოდში საქართველოდან მხოლოდ 10 ათას ტონამდე ციტრუსი იყო ექსპორტირებული. შალვა ფიფიას განმარტებით, წელს ხდება ციტრუსის უპრეცედენტო სუბსიდირება, როგორც სტანდარტულ, ისე არასტანდარტულ მანდარინზე.
„13 მლნ 800 ათას ლარს დახარჯავს სახელმწიფო, საიდანაც 12 მლნ ლარით მოხდება სტანდარტული მანდარინის სუბსიდირება, კილოგრამზე 15 თეთრით, ხოლო არასტანდარტულზე - კილოგრამზე 10 თეთრით. ამის მიზეზი იყო ძალიან დიდი მოსავალი"- განაცხადა ფიფიამ და აღნიშნა, რომ 2013 წელს ციტრუსზე დაახლოებით 100 ათას ტონამდე მოსავალი მოვიდა, რაც გასულ წელთან შედარებით ორჯერ მეტია.
