ცაგერის რაიონ სოფელ ორბოლაში მეწყერის ჩამოწოლის შემდეგ ალბანა-ცაგერის საავტომობილო გზა ჩაიკეტა.
გეოლოგების ინფორმაციით, ამ დრომდე მეწყერის განმეორების საშიშროება კიდევ არსებობს, რომელიც საფრთხეს სოფელში 5 ოჯახს უქმნის. გეოლოგები ადგილობრივებს საცხოვრებელი სახლების დროებით დატოვებას ურჩევენ.
წუხელ გვიან ღამით ჩამოწოლილმა მეწყერმა კი ალბანა-ცაგერის მე-12 კილომეტრზე 60 მეტრის სიგრძის გზა წაიღო. აღნიშნულ მონაკვეთზე შემოვლითი გზა არსებობს, თუმცა გზის ამ მონაკვეთზე გადაადგილება მხოლოდ ორხიდიან მანქანებს შეუძლიათ.
