"დემოკრატიული მოძრაობა - ერთიანი საქართველოს" ლიდერი ნინო ბურჯანაძე მოსკოვში შეხვედრებს დღეიდან დაიწყებს.
რუსული მედიიდ ინფორმაციით, საქართველოს პარლამენტის ყოფილი თავმჯდომარე პარტია "ედინაია რასიას" შტაბბინაში დუმის სპიკერ ბორის გრიზლოვს შეხვდება.
როგორც "ეძინაია რასიაში" აცხადებენ, ისინი საქართველოს პრეზიდენტის გარდა, ყველა პოლიტიკურ პარტიასთან თანამშრომლობისთვის მზად არიან.
შეგახსენებთ, რომ "დემოკრატიული მოძრაობა - ერთიანი საქართველოს" ლიდერი ნინო ბურჯანაძე მოსკოვში გუშინ გაემგზავრა. როგორც მან თბილისის საერთაშორისო აეროპორტში ჟურნალისტებს განუცხადა, ის დიდი პოლიტიკითაა დაკავებული და რუსეთთან პოლიტიკური დიალოგი საქართველოსთვის ახლა სასიცოცხლოდ მნიშვნელოვანია.
