ტყიბულის მაღაროში მომხდარი აფეთქების გამომწვევი მიზეზების შესასწავლად ადგილზე დღეს ექსპეტრები ჩავლენ.
ადგილობრივი ხელისუფლების განცხადებით, ამ დრომდე ექსპერტების მაღაროში ჩასვლა ვენტილაციის არარსებობის გამო ვერ ხერხდებოდა. მაღაროში დიდი რაოდენობით ბუნებრივი აირია დაგროვილი, რაც წინასწარი ინფორმაციით, აფეთქების მიზეზი გახდა.
ექსპერტების დასკვნა ცნობილი მოგვიანებით გახდება. აფეთქების გამომწვევი მიზეზების გამოძიებაში პროკურატურასთან ერთად სპეციალურად შექმნილი ჯგუფიც იღებს მონაწილებას.
ტყიბულის მაღაროში სამუშაოები ექსპერტიზის დასკვნის შემდეგ განახლდება.
შეგახსენებთ, რომ გუშინ, გვიან ღამით, ტყიბულის მაღაროში ძლიერი აფეთქება მოხდა. ინციდენტის შედეგად ოთხი ადამინი დაიღუპა და ერთი მძიმედ დაშავდა. გარდაცვლილების ხსოვნის საპატივსაცემოდ საქართველოს პრეზიდენტის მიხეილ სააკაშვილის ბრძანებით, დღეს საქრთველოში გლოვის დღე გამოცხადდა. სახელმწიფო დროშები შენობაზე უკვე დაშვებულია.
ამასთან, გარდაცვლილების დაკრძალვის და დაზარალებულის მკურნალობის ხარჯებს მთლიანად სახელმწიფო დაფარავს.
