ზურაბ ნოღაიდელთან დაკავშირებით "ალიანსში" ყველას ერთნაირი პოზიცია აქვს. ამის შესახებ "ალიანსი საქართველოსთვის" ლიდერმა, ირაკლი ალასანიამ დღეს, "მემარჯვენეების" ოფისში განაცხადა.
"ოპოზიციას შეთანხმება შეუძლია. მეც და ჩემი პოლიტიკური გუნდიც მტკიცედ ვდგევართ ამ აზრზე. ოპოზიციურ ძალებთან შევძლებთ, მივაღწიოთ იმ შეთანხმებას, რომელიც ერთიან კანდიდატამდე მიგვიყვანს მერის არჩევნებში. "ალიანსის" პოზიცია არის საზოგადოების მოთხოვნის შესაბამისი, რადგან საზოგადოებისთვის დიდი სტიმული იქნება ერთიანობა", - განაცხადა ალასანიამ.
ალასანიას განმარტებით, ნოღაიდელთან დაკავშირებით "ალიანსის "პოზიცია აბსოლუტურად იდენტურია.
"ნოღაიდელს რაც შეეხება, ჩვენი პოზიცია არის აბსოლუტურად იდენტური. საგარეო პოლიტიკური და სხვა იდეოლოგიური განსხვავებები ჩვენს შორის იმდენად დიდია, რომ ნოღაიდელის პოლიტიკურ გუნდთან ალიანსში ან რაიმე პოლიტიკურ შეთანხმებებში ვერ შევალთ. ეს არ ნიშნავს, რომ ჩვენ სხვა ოპოზიციურ პარტიებთან, ვისაც კანდიდატები ჰყავს დასახელებული, ვერ მივაღწიოთ შეთანხმებას", - განაცხადა ალასანიამ.
ალასანიამ დარწმუნებულია, რომ ნოღაიდელის მხრიდანაც ანალოგიური პოზიცია იქნება და რომ თავად ექს-პრემიერიც ვერ ხედავს თანხვედრას "ალიანსის" პოზიციასთან, ფუნდამენტურ საკითხებზე განსხვავებული შეხედულებების გამო.
