ბიულეტენების 20%-ის დათვლის შემდეგ ვლადიმერ პუტინის უპირატესობა 62,5%-მდე გაიზრდა. რუსეთის ცესკო-ს მონაცემებით, ბიულეტეენების 14%-ის დათვლის შემდეგ პუტინს ხმების 61,7% ქონდა.
მეორე ადგილზეა გენადი ზუგანოვი (17,61%), მესამე ადგილს ვლადიმერ ჟირინოვსკი და მიხაილ პროხოროვი იყოფენ (7,57%). სერგეი მირონოვს ხმების 3,68% აქვს.
შეგახსენებთ, რომ რუსეთის საპრეზიდენტო არჩევნებში პრეზიდენტის სავარძლისათვის იბრძვიან: რუსეთის პრემიერ- მინისტრი ვლადიმერ პუტინი, რუსეთის ლიბერალ-დემოკრატიული პარტიის თავმჯდომარე ვლადიმერ ჟირონოვსკი, რუსეთის კომუნისტური პარტიის თავმჯდომარე გენადი ზიუგანოვი, პარტია "სპრავედლივაია როსიას" კანდიდატი სერგეი მირონოვი და ბიზნესმენი მიხაილ პროხოროვი.
რუსეთის პრეზიდენტის წინასაარჩევნო კამპანია 2011 წლის 26 ნოემბერს დაიწყო.
არჩევნების საბოლოო შედეგი კანონის მიხედვით 14 მარტამდე უნდა გახდეს ცნობილი 17 მარტამდე კი ეს შედეგები ოფიციალურად უნდა გამოქვეყნდეს. 4 მარტს არჩეული პრეზიდენტი თავისი უფლება-მოვალეობების შესრულებას ოფიციალურად 7 მაისს შეუდგება.
