ქსნის #15 დაწესებულება სუპერმარკეტების მიერ გადაყრილი პროდუქციით მარაგდება. ამის შესახებ ინფორმაციას "სოლიდარობა უკანონო პატიმრებს", "პატიმართა დახმარების საქველმოქმედო ფონდი", მოძრაობა ,,არა" და "სამოქალაქო და პოლიტიკურ უფლებათა დაცვის ასოციაცია" ავრცელებენ.
"ქსნის #15 დაწესებულებაში ხშირია პატიმრების მოწამვლის ფაქტები უვარგისი, ვადაგასული პროდუქციის გამო, რომლითაც საპატიმრო მარაგდება სუპერმარკეტების მიერ გადაყრილი პროდუქციით. პატიმრები, საკვებში ხშირად პოულობენ სხვადასხვა მწერებს. ჩვენი ინფორმაციით, ხორცის იმპორტირება ხდება ინდოეთიდან. იგი წარმოადგენს ვადაგასულ, საკვებად უვარგის ე.წ "ზებუს" ხორცს, რომლის მიღების შემდეგ პატიმრები იწამლებიან. ასევე მოწამვლის ხშირი შემთხვევები ფიქსირდება ე.წ "კომბიჟირით". გვსურს შევახსენოთ მინისტრ კალმახელიძეს და საზოგადობასაც, რომ ჩვენი ორგანიზაციის პარტნიორი უფლებადამცველი ორგანიზაციების სახელით არაერთხელ მივმართეთ მინისტრ კალმახელიძეს შეხვედროდა უფლებადამცველებს და მათთან ერთად განეხილა ყველა არსებული პრობლემა პატიმრებთან დაკავშირებული. Mინისტრმა მოგვწერა, რომ მას არც ალია შეხვედერბისთვის, მოგვიანებით ჯურნალისტთა ნაწილმა 2011 წლის 8 თენერვალს მოიხოვეს ხათუნა კალმახელიძისაგან, რომ მათ მიცემოდათ შესაძლებლობა შესულიყვნენ საპატიმრო დაწესებულებებში და გაცნობოდნენ იქ არსებულ ვითარებას, რაზეც მინისტრისაგან მიიღეს უარი. რადგანაც ობიექტური მედიასაშუალებები რეალურად გააშუქებდნენ არსებულ ვითარებას", - აღნიშნულია არასამთავრობოების მიერ გავრცელებულ განცხადებაში.
არასამთავრობოები სასჯელაღსრულების, პრობაციის და იურიდიულ საკითხთა მინისტრს კალმახელიძეს მიმართავენ, რომ "თუ მას ნამდვილად სურს რომ დაარწმუნოს საზოგადოება რეფორმების გატარების რეალურობის თაობაზე, იგივე ქსნის ან გეგუთის ან რუსთავის რომელიმე დაწესებულებაში მოხდეს დამოუკიდებელი მედიის და უფლებადმცლების შევლა და საჯაროდ გაშუქება იქ არსებული ვითარების".
