"თავისუფალი დემოკრატების" ლიდერის, ირაკლი ალასანიას განცხადებით, აუცილებელია აღდგეს კონტაქტი აფხაზ და ოს ახალგაზრდებთან. მისი განცხადებით, ეს უნდა გახდეს ნდობის ახალი ველი, რაც საბოლოოდ გაამთლიანებს საქართველოს.
"ომმა და დაპირისპირებამ აქცია ეს ახალგაზრდები დევნილებად და ჩვენი მთავარი ამოცანა იქნება ის, რომ შევქმნათ საქართველოში ისეთი პირობები, ისე ვეკონტაქტოთ აფხაზ და ოს ახალგაზრდებს, რომ გავაჩინოთ ნდობის ახალი ველი, რაც საქართველოს საბოლოოდ გაამთლიანებს. სწორედ ამ ახალგაზრდების გასაკეთებელი იქნება მთავარი რამ ჩვენი ქვეყნისთვის - შერიგება აფხაზებთან და შერიგება ოსებთან. ასე რომ, დღეს არის მართლაც ამაღელვებელი და მნიშვნელოვანი დღე "თავისუფალი დემოკრატებისთვის" და არა მხოლოდ ჩვენთვის, ეს არის მნიშვნელოვანი დღე საქართველოსთვის", - განაცხადა ალასანიამ.
მისი თქმით, მნიშვნელოვანია, რომ დაბრუნდეს ნდობა აფახაზების, დაიწყოს შერიგების პროცესი.
"სწორედ ასეთი შერიგების პროცესი რომ მოხდეს, ჩვენ უნდა შევდგეთ დემოკრატიულ ქვეყნად. ეს იქნება პირველ რიგში ის, რაც დაგვაახლოვებს ევროკავშირთან, გაგვაწევრიანებს ევროკავშირში და ნატოში. ჩვენი დაახლოება ნატოსთან დამოკიდებულია იმაზე, მივიღებთ თუ არა რეალურად საქართველო თავისუფალ დემოკრატიულ არაჩევნებს და დაიწყება შერიგების პროცესი, აფხაზებთან და ოსებთან, რომელიც გახდება მთავრი საფუძველი, რომ მოხდება ჩვენი გაწევრიანების მთავარი ფაქტორი ევროკავშირსა და ნატოში", - განაცხადა ალასანიამ.
