დანარჩენ საქართველოში რეგიონებიდან - აფხაზეთიდან და ე.წ. სამხრეთ ოსეთიდან ტერორისტები გადმოდიან. ეს განცხადება საქართველოს შს მინისტრმა ვანო მერაბიშვილმა "სეგოდნია. უა"-სთვის მიცემულ ინტერვიუში გააკეთა.
"მხოლოდ ბოლო წლის განმავლობაში მათ 30-მდე ტერაქტი მოაწყვეს და ყველა ფაქტი, რომელზედაც მე ვსაუბრობ, ოფიციალური გამოძიებით არის დადასტურებული", _ აცხადებს მინისტრი და აღნიშნავს, რომ ქართველმა სამართალდამცავმა უკვე დააპატიმრეს ტერაქტების შემსრულებლები, დაახლოებით 30-მდე ადამიანი. სწორედ ამის შემდეგ მოხდა ოფიციალურად რუსი კოლეგების დადანაშაულება ამ ტერაქტების ორგანიზებაში.
"გახსოვთ, გასული წლის სექტემბერში თბილისში აშშ-ის საელჩოსთან ბომბი რომ ააფეთქეს? ეს საქმე უკვე გახსნილია. როგორც აღმოჩნდა, რუსეთის არმიის მთავარი სადაზვერვო სამმართველოს ოფიცერმა იგი აფხაზეთის ტერიტორიაზე მოამზადა. ახლა ეს ადამიანი ინტერპოლის მიერ ძებნაში იმყოფება", _ აცხადებს მინისტრი.
