"ირაკლი ტრიპოლსკი ბრიფინგის მინიმუმ 40-წუთიან ხანგრძლივობას ითხოვს, მაგრამ ამავდროულად უარს ამბობს ივანიშვილის კერძო საკუთრებაში მოძრავი სატელიტური სადგურის და ტექნიკური პერსონალის შეშვებაზე. ტრიპოლსკის განცხადებით, საკითხის დეტალური განხილვა ივანიშვილის დაცვასთან უნდა მოხდეს. საზოგადოებრივ მაუწყებელს ამ დრომდე არ აქვს კონკრეტული პასუხი, მოხერხდება თუ არა ბიზნესცენტრის ტერიტორიაზე იმ აპარატურის შეტანა, რომლის გარეშეც პირდაპირი ეთერი ვერ განხორციელდება. აქვე საზოგადოებრივი მაუწყებელი კიდევ ერთხელ აცხადებს, რომ მზად არის უზრუნველყოს პრესკონფერენციის პირდაპირი ეთერით გაშუქება, დაუთმოს იმდენი დრო, რამდენი ხანიც საზოგადოების ინტერესის დაკმაყოფილებას დასჭირდება", - აღნიშნულია განცხადებაში.

შეგახსენებთ, რომ ხვალ, 1 ნოემბერს, ბიძინა ივანიშვილის პრესკონფერენციაა დაგეგმილი, რომელიც ივანიშვილის პრესსამდივნოსა და საზოგადოებრივი მაუწყებლის შეთანხმების თანახმად, საზოგადოებრივი მაუწყებლის პირდაპირ ეთერში უნდა გადაიცეს.