საქართველოს საგარეო საქმეთა მინისრის მოადგილის, თორნიკე გორდაძის განცხადებით, ჟენევაში შედგა შეთანხმება შვეიცარიული მხარის მიერ შეთავაზებულ კომპრომისულ წინადადებაზე, რომელიც საქართველო-რუსეთის საზღვარზე საერთაშორისო მონიტორინგის განლაგებას უკავშირდება. მისი თქმით, ამ საკითხთან დაკავშირებით, საბოლოო ნაბიჯი რუსეთმა უნდა გადადგას.
"ამა წლის 27 ოქტომბერს, შვეიცარიის ქალაქ ჟენევაში შედგა შეთანხმება შვეიცარიული მხარის მიერ შემოთავაზებულ კომპრომისულ წინადადებაზე, რომელიც ამ ქვეყანამ, როგორც მედიატორმა, შესთავაზა რუსეთსა და საქართველოს. ამ შეთანხმების საფუძველზე ხდება შესაძლებელი საქართველო-რუსეთის ოფიციალურად საერთაშორისოდ აღიარებულ საზღვარზე შემოსული ყველა ტვირთების საერთაშორისო მონიტორინგი, რაც ამდენხანს არ ხდებოდა. ეს მონიტორინგი განხორციელებული იქნება საერთაშორისო მონიტორინგის მიერ. მიღწეული იქნა შეთანხმება ტექნოლოგიაზე, რომლის საშუალებითაც იქნება გაცვლილი ინფორმაცია. ამ შეთანხმებით ქარწყლდება ყველა ის მცდელობა, რომ მოხდენილიყო ამ საკითხის პოლიტიზაცია და ეს საკითხი გადატანილი ყოფილიყო სტატუსზე დისკუსიების ჭრილში. საბოლოო ნაბიჯი უნდა გადადგას რუსეთმა და მადლობას ვუხდით შვეიცარიას", - განაცხადა გორდაძემ.
მისი თქმით, მიღწეული იქნა ის, რომ არ იქნება ორმაგი თუ სამმაგი რეჟიმი ამ ტვირთების მონიტორინგის.
"იქნება ერთი რეჟიმი ოკუპირებული თუ არა ოკუპირებული საქართველოსთვის. ჩვენი წვლილი შეგვაქვს ამ საერთაშორისო მნიშვნელობის საკითხის გადაწყვეტაში. ჩვენი მთავარი მოთხოვნა იყო საერთაშორისო მონიტორინგის განლაგება და ეს არის დაკმაყოფილებული", - განაცხადა გორდაძემ.
