პარლამენტის საგარეო ურთიერთობათა კომიტეტის თავმჯდომარის აკაკი მინაშვილის განცხადებით, დღეს შვეიცარიამ საქართველოს შესთავაზა ვერსია, რომ აფხაზეთისა და ცხინვალის რეგიონის საზღვრის საქართველოს მონაკვეთზე ტვირთბრუნვას მონიტორინგი გაუწიონ საერთაშორისო დამკვირვებლებმა და არა რუსებმა.
"ჩვენ ამ პოზიციას დავეთანხმეთ, ახლა ჯერი რუსეთზეა, ჯერჯერობით რუსეთთან მოლაპარაკება მიმდინარეობს", - ასეთი კომენტარი გააკეთა მინაშვილმა.
მისი განმარტებით, მოლაპარაკებები საკმაოდ რთულად მიმდინარეობდა, იქიდან გამომდინარე, რომ რუსეთის ფედერაციას საკმაოდ არაკონსტრუქციული და ხისტი პოზიცია ჰქონდა.
"ჩვენი მთავარი პოზიცია, ვაჭრობის მსოფლიო ორგანიზაციის წესებიდან გამომდინარე, ის არის, რომ საკითხის პოლიტიზება არ ხდებოდა. ერთ-ერთი მთავარი პოსტულატი მსოფლიო სავაჭრო ორგანიზაციისა არის ის, უნდა იყოს გამჭვირვალეობა საზღვრებზე ტვირთბრუნვის დროს. ამას ვითხოვდით ჩვენ, რომ ეს მონიტორინგი უნდა მოხდეს საერთაშორისო დაკვირვების ფარგლებში" , - განაცახდა მინაშვილმა ჟურნალისტებთან საუბარში.
